People power' na panawagan ni Roque di bahagi ng karapatan - Rep. Abante

Just In

Nangnenok ng motor nasakote Nov 23, 2024

Laborer laglag sa mga parak dahil sa isang kilong shabu Nov 23, 2024

Mandatory assessment para makakaha ng NC iminungkahi Nov 23, 2024

Dasma sumailalom sa state-of-calamity dahil sa dengue outbreak Nov 23, 2024

Binata nalambat sa boga, bala Nov 23, 2024

Calendar

November 2024
M	T	W	T	F	S	S
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Nation

People power’ na panawagan ni Roque di bahagi ng karapatan — Rep. Abante

Peoples Taliba Editor Aug 26, 2024

54 Views

‘ITINUTURING ni House Committee on Human Rights Chairman at Manila Rep. Bienvenido Abante na “treasonous” ang panawagan ng spokesman ni dating Pangulong Rodrigo Roa Duterte na si Harry Roque na pabagsakin ang administrasyon ni Pangulong Ferdinand “Bongbong” R. Marcos Jr.

“Sa akin, it might also be treasonous eh. Because he’s now calling for people power to topple down the present administration,” ani Abante sa isang panayam sa pamamagitan ng Zoom.

Naniniwala si Abante na hindi na bahagi ng “karapatan” ang panawagan ni Roque.

“Eh hindi naman siguro tama ‘yong ganoon ‘di ba? I mean, it’s one thing to be able to rally against the government, it is another thing to say, let us come together so we could be able to topple down this government,” saad pa nito.

Si Pangulong Marcos ang pinaka-popular na Pangulo ng bansa matapos makakuha ng mahigit 33 milyong boto noong 2022.

Ginawa ni Roque ang panawagan na pabagsakin ng gobyerno matapos itong makulong ng 24 oras matapos na mapatunayan ng quad committee ng Kamara de Representantes na nagsinungaling.

Sinabi nito na hindi makadadalo sa pagdinig noong Agosto 16 sa Bacolor, Pampanga dahil mayroon umano itong pagdinig sa Manila regional trial court. Pero ayon sa inilabas na sertipikasyon ng Manila court ang pagdinig nito ay noong Agosto 15.

Iniuugnay si Roque sa operasyon ng iligal na POGO na pinapaniwalaan na ginagamit sa money laundering ng kita mula sa bentahan ng ipinagbabawal na gamot.