MAS lalo pang humina ang Philippine peso kontra sa US dollar.

Ngayong Lunes, Setyembre 5 ay nagsara ang palitan sa P56.999:$1 ang bagong all-time low na palitan.

Mas mababa ito ng 22.9 sentimos sa P56.77:$1 na palitan noong Biyernes. Sa gitna ng araw ay umabot pa ito sa $57:$1 bago nagsaea sa P56.999:$1.

Ang paghina ng piso ay nangangahulugan na mas malaki ang gugugulin sa pagbili ng mga imported na produkto na kalimitang binabayaran sa dolyar. Magreresulta rin ito sa pagtaas ng gastos sa mga inaangkat na produkto kaya tataas ang presyo nito sa lokal na pamilihan.