MAS lalong humina ang Philippine peso kontra sa US dollar.

Sa pagsasara noong Biyernes, Setyembre 2, 2022, ang palitan ay P56.77:$1.

Tinalo nito ang pinakamababang palitan noong Oktobre 14, 2004 na nasa P56.45:$1.

Noong Huwebes, Setyembre 1, ang palitan ay naitala sa P56.42:$1.

Ngayon taon ay bumaba na ng P5.771 ang halaga ng piso kontra dolyar. Ang palitan ng matapos ang 2021 ay P50.999:$1.

Ang paghina ng piso ay bunsod ng mga hakbang na ginagawa ng US Federal Reserve.