KINANSELA ng Department of Health (DOH) ang lahat ng PinasLakas activity sa Lunes, Setyembre 26 dulot ng masamang panahon.

Magsasagawa sana ang DOH ng PinasLakas Special Vaccination Days sa Setyembre 26 hanggang 30 para mapataas ang bilang ng mga indibidwal na nakapagpa-booster shot na.

Sa datos ng DOH, nasa 19 milyon pa lamang ang nakapagpa-booster shot na mula sa 72.9 milyong fully vaccinated na indibidwal.

Target ng DOH na mapaabot sa 23.8 milyon ang mga nabakunahan ng booster shot sa unang 100 araw ng Marcos administration.