DALAWANG riders ang nasugatan ng tamaan ng bumagsak na kawad ng kuryente mula sa bumagsak na poste ng Meralco noong Lunes sa Navotas City.

Nangyari ang insidente dakong alas-7:28 ng gabi sa Marala Bridge matapos unang bumagsak ang isang malaking poste at nahagip ang mga kawad ng kuryente na dahilan ng pagbagsak ng poste ng Meralco.

Nagresponde ang mga tauhan ng Navotas City Disaster Risk Reduction and Management Office (CDRRMO), mga pulis, City Traffic and Parking Management Office (CTPMO) at Bureau of Fire Protection (BFP) upang asistihan ang nasugatang riders at i-cordon ang lugar.

Naglabas din ng abiso ang Navotas sa mga motorista na maghanap muna ng alternatibong daan at pinaalalahanan din ang mga pedestrians na iwasang magdaan sa lugar.