PUMALAG si Pangulong Ferdinand “Bongbong” Marcos Jr. sa pahayag ng kampo ni Kingdom of Jesus Christ (KOJC) founder Pastor Apollo C. Quiboloy na may pangaabuso at human rights violation sa operasyon ng Philippine National Police (PNP) sa Davao City.

Sa ambush interview sa Malakanyang, sinabi ni Pangulong Marcos na walang armas at hindi gumamit ng tear gas ang mga pulis sa paghahalughog sa compound ni Quiboloy.

“Meron bang human rights violation kung maraming pulis? I don’t think so. The reason we did this was so that we can contain the peace,” pahayag ni Pangulong Marcos.

“The only way to maintain the peace is to make sure that the area is safe and is secure, and considering that this is a 30-heactare compound, kailangan mo talaga ng maraming tao. Hindi mo puwedeng gawin ito ng isang dosenang pulis, hindi na bale ‘yung lumalaban o nagreresist, nanghaharang. Di na bale muna ‘yon, para lang ‘yung paginspeksyon ng 30 hectares kailangan mo na agad ng maraming tao,” dagdag ni Pangulong Marcos.

Nanindigan si Pangulong Marcos na wala ring halong pulitika ang pagaresto kay Quiboloy.

“So I do not see. I think what they’re talking about, political na ‘yan. Hindi na totoo ‘yan. I can, you go to human rights advocators nothing that we did… lahat ng pumasok na pulis hindi armado, walang baril kahit isa. Hindi kami gumamit ng tear gas, wala kaming ginawang ganoon,” pahayag ni Pangulong Marcos.

“So anong human rights violation. Marami lang. Kung kakaunti, mas marami pang nasaktan na supporters ng KOJC, maraming nasaktan na pulis dahil manlalaban. Kung marami tapos agad ang problema, so that’s what we’ve done,” pahayag ni Pangulong Marcos.

Ayon sa Pangulo, dapat na sumuko na lamang si Quiboloy para matapos na ang gulo.

“Hindi ko nga maintindihan bakit dinadamay ni Quiboloy ang mga tauhan niya, kasi sinasabak niya mga tauhan niya eh wala namang kasalanan mga ‘yan, they just believe, they are looking for an answer, a value system and they think they have found it with Quiboloy,” pahayag ni Pangulong Marcos.

“But they did not sign up to be in the frontline of this kind of thing that’s happening now, that they’ll protect him from arrest even when he has cases filed against him not only here in Philippines but also in the US. I suppose I can understand their disagreement with us, even anger, but all the police are doing is enforcing the warrant of arrest against Apollo Quiboloy,” pahayag ni Pangulong Marcos.