PINALUWAG ng lokal na pamahalaan ng Baguio City ang travel restriction para sa mga turista na aakyat sa kanilang lungsod.

Kung dati ay kailangan ng RT-PCR test o antigen test bago makapasok, ngayon ang kailangan na lamang ay fully vaccinated laban sa COVID-19 at nakarehistro sa visita.baguio.gov.ph.

Patuloy naman umano ang mahigpit na pagpapatupad ng health protocols upang maiwasan ang hawahan ng COVID-19 lalo na sa paparating na Panagbenga Festival.