ILALABAS ng Supreme Court (SC) ang resulta ng 2022 online Bar examination sa Abril 14.

Bagamat nakatakdang simulan ng SC ang kanilang summer session sa Baguio City sa Abril 11, ang paglalabas ng resulta ay gagawin sa Maynila.

Nasa 9,183 law graduates ang nakakompleto ng apat na araw na bar examination noong Nobyembre 2022.

Ayon sa SC ang oath-taking at pagpirma sa Roll of Attorneys ng mga pumasa ng Bar ay gagawin sa Mayo 2 sa Philippine International Convention Center (PICC) sa Pasay City.