Calendar
Retired police napili ni PBBM na mamuno sa NICA
NAPILI ni President-elect Ferdinand “Bongbong” Marcos si retired Police Deputy Director General Ricardo de Leon bilang Director-General ng National Intelligence Coordinating Agency (NICA).
Ayon kay Press secretary-designate Rose Beatrix Cruz-Angeles si de Leon ay miyembro ng Philippine Military Academy (PMA) “Matatag” Class of 1971.
Siya ay kasalukuyang presidente ng Philippine Public Safety College (PPSC), na isang premyadong institusyon para sa training, human resource development, at patuloy na pag-aaral ng mga pulis, bumbero at jail personnel.
Si De Leon ay magiging bahagi ng security cluster Marcos kung saan makakasama nito ang mga opisyal ng Departments of National Defense, Interior and Local Government, Foreign Affairs at Justice; Armed Forces of the Philippines; Philippine National Police at National Bureau of Investigation.
