TODAS ang 34-anyos na babae dahil sa mga tama ng bala mula sa riding-in-tandem (RIT) noong Huwebes sa Valenzuela City.

Sa pahayag ni alyas Anthony, 42, dating kinakasama ng biktimang si alyas Jenny, kay Valenzuela Assistant Chief of Police P/Maj. Jose Romero Hizon, droga ang maaring ugat ng pagpatay sa babae.

Lumabas sa pagsisiyasat na kakatagpuin sana ng biktima ang isang alyas JunJun ng paslangin sa kanto ng F. Bautista St. at McArthur Highway, Marulas.

Tinungo ng pulisya ang bahay ni alyas JunJun subalit hindi na siya natagpuan.

Sa ulat ni Maj. Hizon, bukod kay Jun-Jun ay kabilang din sa mga persons-of-interest si alyas Butchoy at ang kasalukuyang live-in partner ng biktima na hindi nabanggit ang pangalan.