NABINGWIT ng mga operatiba ng Manila Police District- Raxabago Police Station 1 ang 30-anyos na binata dahil sa kasong robbery sa Lacson St., Tondo, Manila noong Linggo.

Sa ulat ni Police Captain Jayson Viola, hepe ng MPD Warrant and Subpoena Section, bandang alas-10:10 ng umaga ng damputin ang suspek na si alyas Rengie.

Hinuli siya sa bisa ng arrest warrant na inisyu ni Judge Thelma Bunyi-Medina, Presiding Judge ng Regional Trial Court Branch 32 ng Manila.

Pwedeng lumaya pansamantala ang suspek kung makapag piyansa ng P100,000.