NAMIGAY ng tig-10 kilo na bigas sa 75,067 na rehistradong mga lolo at lola sa Valenzuela City.

Ayon kay Mayor Wes Gatchalian, ang maagang pamamahagi ng Pamasko sa mga lolo at lola ay bilang pasasalamat at pakilala sa kanilang naging kontribusyon.

Bilang suporta sa mga magsasaka, binili ng lokal na pamahalaan ang ipinamamahaging bigas sa Nagkakaisang Magsasaka ng Isabela Agriculture Cooperative sa lalawigan ng Isabela.

Apat na araw tatagal ang distribusyon sa 19 na barangay sa pamamagitan ng pagpunta nila sa itinakdang lugar habang ang natitirang 14 na barangay ay dadalhin na sa kanilang tirahan mula Hulyo 20.