NASILO sa entrapment ng mga pulis ang 25-anyos na estudyanteng sangkot sa pagbebenta ng baril noong Huwebes sa Makati City.

Nahuli ng mga tauhan ng District Special Operations Unit ng Southern Police District (SPD) sa entrapment dakong alas-4:00 ng hapon sa parking lot sa Chino Roces Avenue Extension sa Brgy. Magallanes si alyas Jonathan.

Nakumpiska mula sa suspek ang isang kalibre 5.56 rifle, isang kalibre .5.7 Ruger, dalawang 5.56 rifle magazine, dalawang Ruger pistol magazine na may 40 bala, 40 bala ng kalibre 5.7, P1,000 marked money, mobile phone at Toyota Altis na gamit ni alyas Jonathan sa pakikipag-transaksyon.