Calendar
![Gutierrez](https://peoplestaliba.com/wp-content/uploads/2024/02/Gutierez.jpg)
SEC Registration ng PIRMA di kailangan ayon sa mambabatas
WALANG kinalaman ang hindi pagpaparehistro ng People’s Initiative for Modernization and Reform Action (PIRMA) sa Securities and Exchange Commission (SEC) para isulong ang hinaing ng mga tao na naghahangad ng pagbabago sa 1987 Constitution.
Ayon kay 1-RIDER Rep. Rodge Gutierrez na ring abogado at miyembro ng House minority bloc, hindi kinakailangan ang sertipikasyon SEC sa isinusulong na people’s initiative.
“Just a personal opinion, PI is an exercise on sovereignty. It’s the will of the people,” Gutierrez, a member of the House minority, ayon kay Gutierrez sa ginanap na press conference noong Miyerkules.
“So, it will not necessarily require an SEC certificate. Hindi naman kailangan na meron tayong certificate to go around or so,” ayon pa sa mambabatas, na hindi sumasang-ayon na ang usapin ng soberanya ay dapat patunayan sa pamamagitan ng mga regulasyon.
“SEC certificates are therefore protection on business. But for you to go around and campaign for genuine change, karapatan po iyan ng tao,” ayon kay Gutierrez.
Ang pahayag ni Gutierrez ay kaugnay na rin sa testimonya ng isang opisyal ng SEC na nagsabing 2004 pa nang kinansela ng tanggapan ang registration ng PIRMA
Ang PIRMA ay kasalukuyang pinamumunuan ng negosyanteng si Noel Oñate, isa sa grupong bahagi sa nagsusulong ng peoples’ initiative.
Sa pagdinig sa Senado, sinabi naman ng legal counsel ng PIRMA na si Alex Avisado na kasalukuyan pa ring nilang kinokumpleto ang proseso para sa corporate registration ng PIRMA sa SEC.
Ayon kay Avisado na naisumite na nila ang mga dokumento sa pamamagitan ng online portal ng SEC noong nakaraang buwan.