TODO-SUPORTA ang Kongreso sa pagpapalakas ng real estate industry sa bansa, ayon kay Speaker Ferdinand Martin G. Romualdez, dahil sa mahalagang papel nito sa pag-unlad ng ekonomiya.

Sa kanyang talumpati sa 25th Anniversary Gala ng RE/MAX Philippines sa Shangri-La The Fort, binigyang-diin ni Romualdez na ang sektor ng real estate ay may malaking kontribusyon sa stabilidad, progreso at oportunidad para sa mga pamilyang Pilipino.

“As Speaker of the House of Representatives, I fully recognize the vital role that real estate plays in our economy,” aniya.

Ayon sa lider ng 306-miyembrong Kamara, patuloy ang Kongreso sa pagsuporta sa mga polisiyang magpapalakas sa industriya upang mapanatili ang kumpetisyon, tiyakin ang kasiguruhan sa negosyo at gawing abot-kamay ang pangarap na home ownership para sa maraming Pilipino.

Kasabay nito, pinuri ni Speaker Romualdez ang RE/MAX Philippines sa kanilang 25-taong pananatili sa real estate industry, na aniya’y patunay ng dedikasyon at tagumpay sa larangang ito.

“For a quarter of a century, RE/MAX has set the benchmark for professionalism, integrity, and success in real estate,” aniya.

Binati rin niya ang mga global achievers ng RE/MAX Philippines—Eddie Santos, Jun Camcam at Marissa Garcia—na kinilala sa RE/MAX R4 2025 Convention sa Las Vegas bilang top global brokers.

“Out of 140,000 real estate agents globally, you have emerged as leaders—not just for RE/MAX, but for the entire Philippine real estate industry,” aniya.

Sa pagtatapos ng kanyang mensahe, hinimok ni Speaker Romualdez ang mga nasa real estate sector na ipagpatuloy ang kanilang kontribusyon sa industriyang ito.

“May you continue to be a driving force in shaping the future of real estate in our country,” pahayag ni Speaker Romualdez.