INABOT ng mahigit limang oras na inapula ng mga tauhan ng Bureau of Fire Protection ang sunog na sumiklab sa isang cold storage facility sa Quezon City Lunes ng madaling araw.

Ayon sa BFP, patuloy na inaalam ang sanhi ng sunog Glaizer North Refrigeration Services Corp sa Fernando Poe Jr. Avenue sa Barangay Del Monte sa Quezon City na nagsimula bandang alas 3 ng madaling araw.

Umakyat pa sa ikatlong alarma ang sunog hanggang sa tuluyang maapula bandang alas8:21 ng umaga.

Nasa 10 trak na ng bumbero ang nagtutulong-tulong para maapula ang sunog.

Wala namang empleyado sa loob ng pasilidad nang sumiklab ang sunog.