ARESTADO ang 23-anyos na Syrian national sa mismong pinapasukan na school dahil sa anim na bilang ng paglabag sa RA 9262 (Anti-Violence Against Women and Their Children Act) sa Ermita, Manila.

Hindi nakapalag ang dayuhang estudyante ng arestuhin ng mga tauhan ni Makati Police chief P/Col. Jean Dela Torre dakong alas-7:00 ng gabi sa Emilio Aguinaldo College sa San Marcelino St., Ermita, Manila.

Naaresto siya sa bisa ng inilabas na warrant of arrest ni Dagupan City, Pangasinan Regional Trial Court (RTC) First Judicial Region Presiding Judge Caridad Villegas Galvez.