HIMAS-rehas ang lalaki matapos na naaresto ng mga operatiba ng Manila Police District (MPD)-Delpan police station 12 dahil sa kasong 4 na counts ng panggagahasa sa Brgy. Maybunga, Pasig City noong Linggo.

Ayon kay Police Lieutenant Colonel Marlon Mallorca, commander Delpan police station 12, mahigit isang taong nagtago si alyas Kwatog, 47, bago nahuli.

Natiklo siya ng maispatan ng mga pulis sa pamumuno ni P/Lt. Ferdinand Omli, hepe ng Intel and Warrant and Subpoena Section, at ni PLt. Ariel Galvelo.

Inaresto ang suspek sa kasong 4 counts ng statutory rape at walang nakalaang piyansa.

Kapitbahay ng suspek ang biktima na kanyang ginawang labandera sa kanyang tirahan kung saan naganap ang panghahalay.