NAG-COURTESY call kay Pangulong Ferdinand “Bongbong” Marcos Jr. si The Voice USA champion Sofronio Vasquez sa Palasyo ng Malakanyang.

Dumalo rin sina First Lady Louise ”Liza” Araneta-Marcos, Irene Marcos at iba pang opisyal ng pamahalaan.

Ayon kay Pangulong Marcos, nakaka-proud si Sofronio.

”Dito parang kaunti na lang gawin naming national holiday ‘yung pagkapanalo mo eh… Happy ang lahat ng Pinoy… kasi parang lahat nagsasabi ang galing ng Pinoy, sa music… pero ito tunay na ito, recognized,” pahayag ni Pangulong Marcos.

Nag-alay naman ng kanta na Imagine ng The Beatles at ng winning song na A Million Dreams si Sofronio sa First Couple.

Ayon kay Sofronio, nalaman niyang fan ng The Beatles si Pangulong Marcos.

”Hindi matatanggal sa feeling mo ‘yung pagkagalak ba in Tagalog na kumakanta ka sa harap ng Presidente, kumbaga close in, kasi siyempre sila ‘yung namumuno eh. Just being with him na alam kong napakabusy and nagsqueeze kami ng oras and he is so genuine about it,” pahayag ni Sofronio.

Gumawa ng kasaysayan si Sofronio bilang unang Asian at unang Filipino na nanalo sa The Voice USA.

Naging coach ni Sofronio ang sikat na singer na si Michael Buble.