NAHULI ng mga barangay tanod ang 18-anyos na lalaki dahil sa panghahablot ng cellular phone ng biktimang nakaupo sa tapat ng bahay niya sa Lakandula at Road 10 sa Brgy. 39, Tondo, Manila noong Lunes.

Nahuli ang tirador na nakilalang si alyas Lester nang humingi ng tulong ang 16-anyos na lalaki na biktima ng panghahablot, ayon sa report.

Ayon sa ulat ng kapatid na babae ng biktima, bandang alas-3:00 ng madaling araw nang sapilitang inagaw ng suspek ang Vivo Y02S cellphone ng biktima na nagkakahalaga ng P5,700.

Nagkaroon muna ng habulan at nang nakorner, narekober ang ninakaw na cellphone at nakuha ang patalim ng suspek na may habang 6 na pulgada.