UMUUSAD na ang safety and efficacy trials ng bakuna laban sa African swine fever (ASF).

Ayon kay Pangulong Ferdinand Marcos Jr. nakita ng Bureau of Animal Industry (BAI) na nakalilikha ng sapat na antibodies ang bakuna at ligtas umano itong gamitin.

Sinabi ng Pangulo na inaasahan ang pagpapalabas ng Philippine Food and Drug Administration (FDA ng certificate of product registration (CPR) upang maibenta na ang bakuna habang isinasagawa ang ikalawang yugto ng trial.

“This gives us great hope as we have been waiting for this for a very long time. However, it is not a reason for complacency as we are being continuously warned by those who have studied the vaccine. The vaccine is 80 percent effective. There is still a 20 percent-chance that we need to look out for very carefully,” ani Pangulong Marcos sa pagbubukas ng 6th edition ng Livestock Philippines Expo 2023 sa World Trade Center sa Pasay City.

Sinabi ng Pangulo mayroon na ring progreso sa pagbili ng Avian Influenza vaccine. Hinikayat umano ng BAI ang mga manufacturer ng bakuna na iparehistro ang kanilang produkto sa FDA upang maibenta ito sa bansa.

“As we identify the shortcomings that we have and acknowledge that there is much work to do, we at the Department of Agriculture shall continue to forge partnerships with the academe and private sector to devise solutions to eradicate these diseases that continue to wreak havoc on our livestock and poultry sub-sectors,” sabi ng Pangulo.

Binigyan-diin ni Marcos ang kahalagahan na mapalakas ang poultry at livestock sector ng bansa.