NATIMBOG ang 69-anyos na jeepney driver ng mga operatiba ng Manila Police District-Baseco Police Station 13 sa Atlanta St., Port Area, Manila noong Linggo dahil sa pag-iingat ng 6 na gramo ng shabu na may halagang P40,800.

Nakilala ang suspek na si alyas Tai Marlon, ayon kay Police Lieutenant Colonel Rommel Anicete, commander ng MPD Baseco Police Station 13.

Nahuli ng mga operatiba ng Station Drugs Enforcement Unit (SDEU) sa pamumuno ni P/Lt. Mark Jason Ramos dala ang nasabing ilegal na droga, marked at buy-bust money.

Ang suspek ay nahaharap sa kasong paglabag sa RA 9165 (Comprehensive Dangerous Drug Act of 2002).