PATAY ang janitress nang masalpok ng bus habang tumatawid sa Barangay Paciano Rizal, Calamba City, Laguna, noong Biyernes.

Kinilala ng Calamba traffic police ang nasawi na si alyas “Venus,” 36-anyos.

Namatay ang biktima bunsod ng mga sugat sa katawan at pagbagok ng ulo sa kalsada nang tumilapon dahil sa pagsalpok ng bus.

Idineklarang dead on arrival sa J.P. Rizal Hospital ng doktor ang biktima.

Naganap ang insidente bandang alas-5:30 ng umaga habang ang biktima ay tumatawid at nasalpok ng bus na minamaneho ni alyas “Robert,” 42-anyos.

Mahaharap sa kasong reckless imprudence resulting to homicide ang driver na nakakulong na matapos ang aksidente.