Imbiyerna pala ang isang award-winning actress sa nakababatang aktres na kasama niya sa isang teleserye.

Ang dahilan? Napakabagal daw kumilos nitong younger actress na kapag may eksena sila, ready na itong si nakatatandang aktres pero ang co-star ay tatayo pa lang o ‘di kaya ay may ginagawa pa.

Sey umano ng batikang aktres, okay naman sana ang kanyang co-actress at magaling namang umarte.

“Pero napakabagal kumilos,” reklamo ng magaling na aktres.

Bale ba, maraming eksena ang dalawang aktres sa teleserye nila dahil laging magkasama ang mga karakter nila kaya talagang dusa itong seasoned actress sa kanyang co-star na mabagal kumilos.