NAILIGTAS ng mga agents ng National Bureau of Investigation-Human Trafficking Division (NBI-HTRAD) ang dalawang Vietnamese nationals na muntik mabiktima ng anti-trafficking syndicate sa hotel sa Pasay noong Huwebes.

Ginagamit umano ng grupo ang mga naka-encrypt na social messaging platform para i-advertise ang mga serbisyong sekswal ng mga babaeng Vietnamese, Chinese at Japanese.

Dahil dito nagsagawa ang NBI-HTRAD ng technical surveillance, kung saan kasama ang pagsubaybay sa ilegal na transaksyon at ang reservation ng hotel premises.

Napansin ng mga ahente ang dalawang babae na tumutugma sa mga digital profile ng mga biktima na dumating sa pinangyarihan.

Na-secure ang dalawang biktima habang ang mga suspek ay wala sa drop-off na lokasyon pero hindi nahuli ang mga miyembro ng sindikato.

“Ang operasyong ito ay nagha-highlight sa umuusbong na kalikasan ng human trafficking, kung saan ang mga sindikato ay gumagamit ng teknolohiya upang magtago sa simpleng paningin,” sabi ni NBI Director Atty Angelito DLP Magno.