CAMP BGEN VICENTE LIM–Walang kawala sa kamay ng batas ang dalawang suspek sa panghahalay sa Rizal matapos mahuli noong Sabado.

Bitbit ang mga warrant of arrest, pinadapa ng mga pulis si alyas Jasper sa Brgy. Wawa, Tanay, Rizal, dakong alas-8:00 ng umaga dahil sa kasong qualified rape.

Hindi rin makapiglas si alyas Aice ng makorner ng Cainta police sa Brgy. San Andres, Cainta dakong alas-10:55 ng umaga.

“Mananatiling mahigpit ang kampanya ng PRO 4A laban sa mga kriminal na sangkot sa karumal-dumal na krimen gaya ng panggagahasa,” babala ni P/BGen. Hansel Marantan, director ng PRO 4A.