NADAGDAGAN ng 28,008 ang bilang ng mga kaso ng COVID-19 sa bansa noong nakaraang linggo.

Ayon sa Department of Health (DOH) mula Agosto 1 hanggang 7 ay mayroong 4,001 daily average case na naitala, mas mataas ito ng tatlong porsyento kumpara sa mas naunang linggo.

Ito ang unang linggo sa nakalipas na 26 linggo na umabot sa 4,000 ang naitalang bagong kaso.

Ito rin ang pinakamataas na weekly new cases mula noong Pebrero 7 hanggang 13 kung kailan nakapagtala ng 28,280 kaso.

Umabot na sa 3,835,422 ang bilang ng mga naitalang COVID-19 cases sa bansa hanggang noong Agosto 15.