HINDI na umabot ng buhay sa Ospital ng Tondo ang 3-anyos na batang lalaki makaraang mabundol ng Toyota Hi Ace van sa Solis St., Tondo, Maynila noong Miyerkules.

Nakilala ang biktima na si Kurl ng Solis St., Tondo.

Base sa ulat ni Police Master Sergeant John Mark Estrada, bandang alas-10:50 ng umaga nang mangyari ang aksidente habang binabagtas ng driver na si Leonardo ang Solis St.

Biglang umanong tumawid ang bata kaya nahagip ng van.

Nahaharap sa kasong Reckless Reckless Imprudence Resulting in Homicide ang driver ng van.