DOH

3,127 bagong kaso ng COVID-19 naitala

189 Views

NAKAPAGTALA ang Department of Health (DOH) ng 3,127 bagong kaso ng COVID-19 mula Enero 2 hanggang 8.

Ayon sa DOH ang bagong daily average ng mga bagong kaso ay 447, mas mababa ng siyam na porsyento kumpara sa naitala noong Disyembre 26 hanggang Enero 1.

Sa mga bagong kaso, 7 ang may malubha at kritikal na karamdaman.

Samantala, mayroon namang naitalang 79 na pumanaw. Sa bilang na ito 17 ang namatay mula Disyembre 26 hanggang Enero 8.

Ang iba pang nasawi ay mula noong Agosto 2020 hanggang Disyembre 2022. Hindi lang agad na naiulat sa DOH ang mga ito.