KALUNOS-lunos ang sinapit ng isang 4-anyos na batang lalaki matapos na masawi makaraang madaganan ng metal railing habang naglalaro sa Pasil fishport nitong Lunes sa Cebu City.

Ang biktimang nasawi sa pagamutan ay nakilalang si Crismark Basio Sandoval, residente ng Block 3, Belgium street, Barangay Suba sa nasabing lungsod.

Batay sa ulat ng PNP, naglalaro ang biktima sa gilid ng railing kasama ang ilan pang mga bata.

Isa sa mga kalaro ng biktima ang umakyat sa railing kaya’t natumba ito at bumagsak sa biktima.

Agad namang naisugod sa pagamutan ang bata subalit nasawi din ito makalipas ang isang araw.

Patuloy ang ginagawang imbestigasyon sa insidente.