ISANG 61-anyos na driver mula sa Antipolo City ang isa sa dalawang nanalo ng P23.061 milyong jackpot prize ng Lotto 6/42.

Ayon sa Philippine Charity Sweepstakes Office (PCSO) pumunta na sa kanilang tanggapan ang nanalong driver noong Agosto 3. Siya ay nag-uwi ng P11.53 milyon.

Sinabi ng nanalo na ang numero ay galing sa kaarawan ng kanyang mga mahal sa buhay. Mayroon umano siyang dalawang anak.

Sa kabila ng nakuhang pera, sinabi ng nanalo na hindi pa rin siya titigil sa pagmamaneho dahil madali umanong maubos ang pera.

Siya at isa pang mananaya mula sa Marikina City ang nakakuha ng 17-11-23-21-05-25 sa bola ng Lotto 6/42 noong Hulyo 23.

Ang mananaya sa Marikina ay hindi pa pumupunta para kunin ang kanyang premyo.