PATULOY ang pagkakaisa, suport at panalangin ng mga taga-Leyte para kay dating House Speaker at kasalukuyang Leyte 1st District Representative Ferdinand Martin G. Romualdez.

Ipinagdasal ng mga tagasuporta ni Romualdez ang kanyang patuloy na magandang kalusugan at lakas sa misa na ginanap sa Most Holy Trinity Parish sa Alangalang, Leyte.

Ipinahayag ng mga dumalo sa misa ang kanilang buong pusong suporta sa mambabatas.

Ito na ang ikatlong misa na inialay para kay Romualdez.

Inorganisa ang mga nasabing misa sa pangunguna ng mga lokal na pamahalaan (LGU), mga kaibigan, kawani, kapamilya, iba’t ibang grupo, at mga tagasuporta ng kongresista.

Unang isinagawa ang misa sa V&G, Tacloban City, na sinundan ng isa pang misa sa bayan ng Tolosa.