SINALUBONG at nagbigay-pugay noong Lunes sina Bataan Gov. Joet Garcia sa International Pilgrim Image of Our Lady of Guadalupe mula sa Mexico sa Our Lady of the Pillar Parish sa Morong.

Sinabi ni Gov. Garcia na malaking biyaya para sa Bataan ang mapabilang sa mga bayan na binibisita ng banal na imahen na tanging pagkakataon upang higit na patatagin ang pananampalataya sa Mahal na Birheng Maria at muling ipaalala sa bawat isa ang kahalagahan ng pananalig sa Diyos.

Pinangunahan nina Rev. Fr. Ramon Mariano at Rev. Fr. Fernando Loreto ang pagdiriwang ng Banal na Misa kasama ang mga mananampalataya.