NASAKOTE ng mga tauhan ng Philippine Coast Guard (PCG) ang sasakyang pangisda na FB UNDER WATER na iligal umanong nagmimina ng buhangin sa Barangay Marang-Marang, Malamawi Island, Isabela City, Basilan.

Ayon sa Coast Guard Station Isabela, ang naturang sasakyang pangdagat ay lumabag sa Section 47 ng Isabela City Ordinance No. 03-148 (Quarrying of the Marine Habitat).

Isang Mr. Hassan Adjal, na residente ng Barangay Marang-Marang ang may-ari umano ng FB UNDER WATER.

Si Adjal at tatlong crew nito ay ibinigay ng PCG sa Isabela City Agriculturist Office na nagsasagawa ng imbestigasyon.