ISANG lindol na may lakas na magnitude 5.3 ang yumanig sa hilagang bahagi ng Luzon hapon ng Martes, Agosto 1.

Ayon sa Philippine Institute of Volcanology and Seismology (PHIVOLCS) naramdaman ang lindol alas-4:03 ng hapon.

Ang epicenter ay 26 kilometro sa silangan ng Dalupiri Island sa Calayan, Cagayan. May lalim itong 16 kilometro.

Naitala ng PHIVOLCS ang mga sumusunod na Intensity:

Intensity II – Pasuquin, ILOCOS NORTE

Intensity I- Sinait, ILOCOS SUR

Instrumental Intensities:

Intensity III – Aparri, CAGAYAN

Intensity II – Laoag City at Pasuquin, ILOCOS NORTE; Candon, ILOCOS SUR;

Intensity I – Batac, ILOCOS NORTE; Sinait, ILOCOS SUR