SINUSUPORTAHAN ni House Committee on Poverty Alleviation Chairman at 1-PACMAN Party List Congressman Michael “Mikee” L. Romero, Ph.D., ang pagsasabatas sa House Bill No. 7447 upang magkaroon ng representasyon ang mga Barangay Health Workers (BHWs) sa local health board sa bawat bayan, lungsod at probinsiya.

Binigyang diin ni Romero na sa pamamagitan ng pagkakaroon ng puwesto ng mga BHWs sa mga lokal na health boards, magkakaroon aniya sila ng boses sa pamamahala sa aspeto ng kalusugan ng publiko.

Sinabi ni Romero na kabilang na dito ang pamamahala ng mga BHWs sa tinatawag na public policies kasama na dito ang pagtataguyod sa kapakanan at benepisyo ng mga kapwa nila BHWs sa health board ng bawat bayan, lungsod at lalawigan.