Sa pagharap ng Justice Department sa budget deliberations sa Kamara de Representantes, kinuwestiyon ni Magsino ang panibagong guidelines ng ahensiya sa IACT na mas naging mahigpit umano para sa mga Pilipinong biyahero lalo na para sa mga Overseas Filipino Workers (OFWs).

Dahil dito, muling binigyang diin ni Magsino sa DOJ na kailangang balansehin din nila ang kanilang vigilance laban sa human trafficking at pagpapanatili sa karapatang pantao bawat Pilipino na maka-biyahe at makapag-trabaho sa ibayong dagat sa pagpapatupad nila ng IACT.

Iminumungkahi din ng OFW Lady solon na magtalaga ng National Bureau of Investigations (NBI) Personnel sa mga piling “consular post” para matulungan ang mga OFWs na naging biktima ng pang-aabuso at krimen sa bansang pinagta-trabahuhan nila kabilang na dito ang mga scams.

Samantala, sinang-ayunan din ni Overseas Workers Welfare Administration (OWWA) Regional Director Atty. Falconi “Ace” V. Millar ang nahing pahayag ni Magsino kaugnay sa pagpapalabas ng DOJ ng kanilang paliwanag kaugnay sa kanilang panibagong guidelines para malinawan ang publiko tungkol dito.

Ayon kay Millar, upang mapawi ang pangamba ng publiko. Napaka-halaga para sa Justice Department ang magbigay ng kanilang detalyadong paliwanag hinggil sa IACT sapagkat ang naunang impression ng mamamayan tungkol dito ay masyadong napaka-higpit. Habang hindi makatao ang tingin naman ng iba.

Binigyang diin ni Millar na masyado umanong napaka-higpit ng revised guidelines na unang ipinatupad ng Inter-Agency Council Against Trafficking (IACAT) para sa mga Overseas Filipino Workers (OFWs) kasama na ang mga Pilipinong biyahero”.