INIHAYAG ng Live Nation Philippines ang pagbabalik sa Pilipinas ng sikat na K-pop group na IVE para sa kanilang “SHOW WHAT I HAVE” world tour.

Ang inaasahang concert na ito ay magaganap sa Hulyo 13, 2024, sa Mall of Asia Arena. Ito ang kanilang ikalawang pagdalaw sa bansa, na matatandaang nagkaroon sila ng fan concert sa Smart Araneta Coliseum noong Hunyo.

Matatandaan na isa sa mga miyembro ng IVE na si Wonyoung ay naging bahagi ng 2023 Asia Artist Awards na ginanap noong Disyembre 14 sa Philippine Arena.

Siya ay isa sa mga pangunahing host ng award show kasama ang mga kapwa artistang sina Kang Daniel at Hanbin ng Zerobaseone.