Hindi makapaniwala ang content creator at DJ na si Bea Fabregas na ang video ng two-year-old son niya na si Tyler ay mapapansin ng award-winning American singer/songwriter na si Beyonce.

Kamakailan ay ipinost ni Bea sa Instagram ang video ng pag-uusap nila ng anak habang kumakain ng pizza.

Tanong ni Tyler sa mommy niya, “Where’s Beyonce?”

Na sinagot naman ni Bea ng, “Beyonce is in her house, baby.”

Tanong ulit ni Tyler, “Can I visit Beyonce?”

Sabi naman ni Bea, “We don’t know her personally. She’s not mama’s friend. She doesn’t live here also, baby.”

Sagot ni Tyler, “She’s our friend.”

Sey pa niya, “Beyonce is my friend.”

Nag-viral ang nasabing video at nakarating mismo kay Beyonce. Guess what? Pinadalhan lang naman ng sikat na singer si Tyler ng flowers at stuffed toy.

Ipinost ni Bea ang larawan ni Tyler na masayang hawak ang blue flowers na ipinadala ni Beyonce sa anak.

Sa caption, aniya, officially friends na ang anak niya at si Beyonce.

Makikita rin sa post ng content creator ang chat conversation nila ng publicist ni Beyonce na si Yvette Noel-Schure na siyang nag-reach out sa kanya.

“I am writing to you about the cutest video you posted with the little boy wanting to visit Beyoncé. I represent her as her publicist. Are you his family? She would love to send something to him,” ang mensahe kay Bea ng publicist ni Beyonce.

Sabi naman ni Bea, “So, I just want to say thank you rejoicing with us. It’s really crazy and I don’t think I’ll ever like, believe it. It’s nuts.”