KINILALA sina Alden Richards at Kathryn Bernardo bilang Box Office King and Box Office Queen ng 2024 sa Box Office Entertainment awards na ginanap sa Henry Lee Irwin Theater ng Ateneo De Manila University noong Linggo nang gabi.

Tinanggap ng dalawa ang kanilang respective award nang magkahiwalay.

Ang Asia’s Multimedia Star na si Alden ay nanalo bilang Box Office King dahil sa kanyang pelikulang “Five Breakups and A Romance,” na pinangunahan niya kasama si Julia Montes.

Samantala, nanalo naman si Kathryn bilang Box Office Queen sa kanyang huling ginawang pelikulang na “A Very Good Girl,” kung saan niyanakabituin ang tinaguriang Hollywood breakout star na si Dolly De Leon.

Noong 2019, nagkasama sina Alden and Kathryn sa pelikulang “Hello, Love, Goodbye,” na unang humawak sa record na highest-grossing Filipino movie of all time. Gayunman, ang comeback movie ng mag-asawang Marian Rivera at Dingdong Dantes na “Rewind” ay nalagpasan ang record ng HLG nitong nakaraang taon.

Sa ngayon, nili-link sa isa’t isa sina Alden at Kathryn dahil na rin sa mga nagaganap sa pagitan ng dalawa.

Pero wala namang kumpirmasyong nagmumula sa dalawa kung meron na silang romantikong kaugnayan sa isa’t isa.

Ayon kay Alden nang tanungin tungkol dito, “Whatever is happening between Kath and I, I really want it to be personal.”

Samantala, nakuha naman nina Ruru Madrid at Bianca Umali ang titulong Most Popular Love Team for Television at the Box Office Entertainment awards for the Kapuso series, “The Write One.”

Sa Instagram, ang reel to real-life Kapuso couple ay nag- share ng isang joint post tungkol sa kanilang Box Office Entertainment trophies.

“Here’s to conquering the world through growth and support – driven by love and for love!” sabi ni Bianca sa caption.