𝗞𝗜𝗡𝗔𝗞𝗔𝗧𝗜𝗚𝗔𝗡 𝗻𝗴 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗠𝗲𝘁𝗿𝗼 𝗠𝗮𝗻𝗶𝗹𝗮 𝗗𝗲𝘃𝗲𝗹𝗼𝗽𝗺𝗲𝗻𝘁 𝗻𝗮 𝘀𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗮𝗻𝗴 𝗶𝗸𝗮𝗸𝗮𝘀𝗮𝗻𝗴 𝗽𝗹𝗮𝗻𝗼 𝗻𝗶 𝗣𝗿𝗲𝘀𝗶𝗱𝗲𝗻𝘁 𝗙𝗲𝗿𝗱𝗶𝗻𝗮𝗻𝗱 “𝗕𝗼𝗻𝗴𝗯𝗼𝗻𝗴” 𝗥. 𝗠𝗮𝗿𝗰𝗼𝘀,𝗝𝗿. 𝗻𝗮 𝗺𝗮𝗴𝘁𝗮𝘁𝗮𝗴 𝗻𝗴 “𝗹𝗲𝗴𝗮𝗹 𝗱𝗲𝗽𝗮𝗿𝘁𝗺𝗲𝗻𝘁” 𝘀𝗮 𝗹𝗼𝗼𝗯 𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗡𝗮𝘁𝗶𝗼𝗻𝗮𝗹 𝗣𝗼𝗹𝗶𝗰𝗲 (𝗣𝗡𝗣) 𝘀𝗮 𝗴𝗶𝘁𝗻𝗮 𝗻𝗴 𝗶𝗯𝗮’𝘁-𝗶𝗯𝗮𝗻𝗴 𝗮𝘀𝘂𝗻𝘁𝗼 𝗻𝗮 𝗸𝗶𝗻𝗮𝗸𝗮𝗵𝗮𝗿𝗮𝗽 𝗻𝗴 𝗺𝗴𝗮 𝗞𝗮𝗽𝘂𝗹𝗶𝘀𝗮𝗻.

Sang-ayon din si Valeriano sa pagkakaroon o pagsusuot ng body-cameras sa lahat ng law enforcement personnel partikukar na sa panahon ng kanilang operation para matulungan sila sa paghaharap ng matibay na ebidensiya sa Hukuman sa pamamagitan ng body-cameras.

Binigyang diin ni Valeriano na hinding-hindi magsisinungaling ang body-cam sapagkat makikita dito ang buong katotohan kaugnay sa isang parikular na kaso na isinampa laban sa isang pulis.

Sabi ng kongresista, sa tulong ng body-camera makakapagharap ng matibay na ebidensiya ang sangkot na pulis laban sa isang kriminal sakaling umabot sa hukuman ang kanilang kaso.

“Sang-ayon tayo sa panukalang ito kasi kawawa naman ang mga pulis natin dahil ginawa na nila ang kanilang tungkulin pero sila pa ang nadidiin. Sapagkat hindi naman lahat ng pulis ay masama may mga pulis na totoong ginampanan ang kanilang trabaho pero sila pa ang kinakasuhan,” paliwanag ni Valeriano.

Binigyang diin ni Valeriano na may mga pulis ang gumanap ng kanilang tungkulin subalit sa kasamaang palad ay sila pa ang nasasampahan ng kaso sa pag-aakalang gumawa sila ng kabuktutan.

Nararapat lamang aniya na magtatag ng legal department sa loob ng PNP para matulungan ang mga Kapulisan na madepensahan ang kanilang mga sarili.

Ikinatuwiran pa ng Manila solon na may mga pagkakataon pa na ang mismong mga suspek ay mahusay sa usaping legal kung kaya’t napakadali rin para sa kanila ang baluktutin ang katotohan.

Kung saan, ang mga pulis pa ang nadidiin sa kaso sa halip na ang mga kriminal.