𝗕𝗜𝗟𝗔𝗡𝗚 c𝗵𝗮𝗶𝗿𝗽𝗲𝗿𝘀𝗼𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗼𝘂𝗿𝗶𝘀𝗺, I𝗸𝗶𝗻𝗮𝗴𝗮𝗴𝗮𝗹𝗮𝗸 𝗻𝗶 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗖𝗼𝗻𝗴. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮 𝗮𝗻𝗴 𝗻𝗮𝗴𝗶𝗻𝗴 𝗽𝗮𝗵𝗮𝘆𝗮𝗴 𝗻𝗶 𝗧𝗼𝘂𝗿𝗶𝘀𝗺 𝗦𝗲𝗰. 𝗠𝗮𝗿𝗶𝗮 𝗖𝗵𝗿𝗶𝘀𝘁𝗶𝗻𝗮 𝗚𝗮𝗿𝗰𝗶𝗮 𝗙𝗿𝗮𝘀𝗰𝗼 𝗻𝗮 𝘀𝗶𝗻𝗶𝘀𝗶𝗸𝗮𝗽 𝗻𝗶𝘁𝗼𝗻𝗴 𝗽𝗮𝗹𝗮𝗸𝗮𝘀𝗶𝗻 𝗮𝗻𝗴 𝗽𝗿𝗼𝗺𝗼𝘁𝗶𝗼𝗻 𝗻𝗴 𝗣𝗶𝗹𝗶𝗽𝗶𝗻𝗮𝘀 𝗽𝗮𝗿𝗮 𝗺𝗮𝗽𝗮𝘁𝗮𝗮𝘀 𝗮𝗻𝗴 𝗮𝗻𝘁𝗮𝘀 𝗻𝗴 𝗶𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝘃𝗶𝘀𝗶𝘁𝗼𝗿𝘀.

Ayon kay Madrona, ang naturang pagkilos ng Department of Tourism (DOT) na naglalayong mas lalo pang pag-ibayuhin o paunlarin ang pagpasok ng mga dayuhang turista sa Pilipinas ay mangangahulugan din ng napakagandang oportunidad para unti-unting makabangon ang ekonomiya ng bansa.

Sabi ni Madrona na napakalaking ganansiya o kita para sa kaban ng gobyerno ang inaasahang target ng Tourism Department sa pamamagitan ng pagpasok ng tinatayang nasa 7.7 milyong international tourists o visitors sapagkat lalo pa nitong maiaangat sa napakataas na antas ang Philippine tourism kumpara sa mga nagdaang taon.

Dagdag pa ni Madrona na ang bansang South Korea parin ang nananatiling may pinakamataas na tourist arrival kung saan umaabot sa 906.809 ang bilang ng mga Koreanong nagpupunta o bumibisita sa Pilipinas.

Pagdidiin pa ng kongresista na kung magpapatuloy ang magandang lagay ng Philippine tourism hindi aniya malayong mahigitan pa ng DOT ang inaasam nitong target kung saan hindi pa kasama dito ang buwan ng Disyembre.

Samantala, pinangunahan ni Madrona ang isang “round table discussion” kasama ang DENR-Environment Management Bureau (EMB) sa MIMAROPA kaugnay sa nakatakdang development ng Crista de Gallo Island sa Munisipalidad ng San Fernando, Romblon.