𝗜𝗞𝗜𝗡𝗔𝗚𝗔𝗚𝗔𝗟𝗔𝗞 𝗻𝗴 𝘁𝗶𝗻𝗮𝗴𝘂𝗿𝗶𝗮𝗻𝗴 “𝗕𝗮𝘁𝗮𝗻𝗴 𝗧𝗼𝗻𝗱𝗼” 𝗻𝗮 𝘀𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗮𝗻𝗴 𝗽𝗿𝗼𝗴𝗿𝗮𝗺𝗮𝗻𝗴 𝗶𝗻𝗶𝗹𝘂𝗻𝘀𝗮𝗱 𝗻𝗶 𝗠𝗮𝗻𝗶𝗹𝗮 𝗠𝗮𝘆𝗼𝗿 𝗗𝗿𝗮. 𝗛𝗼𝗻𝗲𝘆 𝗟𝗮𝗰𝘂𝗻𝗮 𝗽𝗮𝗿𝗮 𝘀𝗮 𝗺𝗴𝗮 𝘀𝗲𝗻𝗶𝗼𝗿 𝗰𝗶𝘁𝗶𝘇𝗲𝗻𝘀 𝗮𝘁 p𝗲𝗿𝘀𝗼𝗻𝘀 𝘄𝗶𝘁𝗵 𝗱𝗶𝘀𝗮𝗯𝗶𝗹𝗶𝘁𝗶𝗲𝘀 (𝗣𝗪𝗗𝘀) 𝗻𝗮 𝗿𝗲𝘀𝗶𝗱𝗲𝗻𝘁𝗲 𝗻𝗴 𝗠𝗮𝘆𝗻𝗶𝗹𝗮.

Ayon kay Valeriano, chairperson ng House Committee on Metro Manila Development, na napakaganda at malaking tulong ang progama ni Mayor Lacuna para sa mga senior citizens at PWDs matapos itong lumagda sa kasunduan sa pagitan ng Manila City government at Popeyes at Khao Khai Tai Chicken.

Sa naturang kasunduan, sabi ni Valeriano, mabibigyan ng pagkakataon ang mga senior citizens at PWDs na makapagtrabaho sa mga sangay ng nasabing food chains na nasa Lungsod ng Maynila.

Paliwanag ni Valeriano, kaya nito nasabing maganda ang programa ni Lacuna sapagkat sa kabila ng kanilang katandaan at taglay na kapansanan ay maaari pa rin silang mabigyan ng pagkakataon na maging prodaktibo at kahit papaano ay magkaroon ng kaunting pagkakakitaan para magkaroon sila ng panggastos para tustusan ang kanilang mga pangangailangan.

Pagdidiin pa ng kongrsista, ang programa din ni Lacuna ay isang napakalinaw na testamento ng pagbibigay halaga sa importansiya ng Lungsod sa mga Senior Citizens at PWDs na sa kabila ng kanilang katandaan at kapansanan ay maaari parin silang maging kapaki-pakinabang.

Sa ilalim ng nasabing kasunduan, ang lahat ng sangay ng Popeye sa Maynila ay tatanggap ng mga aplikanteng mga senior citizens at PWDs.

Nangako rin ang Khao Khai Chicken na tatanggap ng dalawang senior citizens at isang PWD sa kanilang sangay sa SM Manila.

To God be the Glory