SINIMULAN na ng Palasyo ng Malakanyang ang paghahanda ng Pilipinas para maging host sa Association of Southeast Asian Nations (Asean) Summit Meetings na gaganapin sa taong 2026.

Base sa Facebook post ni First Lady Liza Marcos, nagsimula na ang pagpupulong para sa hosting ng bansa sa international event.

Kasama sa pulong ni First Lady Liza Marcos si Tourism Secretary Maria Christina Frasco.

Noong Marso 22 nang ilabas ang Administrative Order 17 na lumilikha ng National Organizing Council na mangunguna sa paglalatag sa mga aktibidad para sa Asean Summit Meetings.

Hindi naman tinukoy sa pulong kung saang mga lugar isasagawa ang pagpupulong ng mga world leaders.