NATAGPUANG nakabigti noong Huwebes ang 16-anyos na estudyante sa opisina ng Boy Scout sa isang paaralan sa Quezon City.

Sa report ng Quezon City Police District (QCPD) police station 15, bandang alas-6:40 ng gabi nang matagpuan ang nakabigting katawan ng binatilyo.

Ayon kay P/Lt. Col. Macario Loteyro, hepe ng PS-15, pauwi na ang dalawang high school teacher nang mapadaan sa Boy Scout office at nakita ang nakabigting katawan ng estudyante.

Humingi ng saklolo ang mga guro sa guwardiya ng paaralan para maibaba ang estudyante mula sa pagkakabigti.

Inaalam ng pulisya kung may foul play sa insidente.