ARESTADO ang isang lalaki nang sapakin ang babaeng serbidora dahil walang pumansin sa kanyang pagwawala at paghahamon ng away noong Miyerkules sa Malabon City.

Ayaw tumigil sa pagwawala ng suspek na si alyas Gilbert kahit nasa barangay hall na ng Brgy. Tonsuya kaya inaresto na siya ng mga tauhan ni Malabon police chief P/Col. Jay Baybayan na hiningan ng tulong ng mga opisyal ng barangay.

Dakong alas-5:50 ng umaga napagbalingan ng biktima ang 24-anyos na serbidorang si alyas Angelica matapos walang pumatol sa kanyang paghahamon.

Hinila ng suspek sa buhok ang nabiglang biktima at sinapak sa ulo.

Sasampahan ng kasong physical injuries at alarm and scandal ang suspek batay sa reklamo ng biktima sa Malabon City Prosecutor’s Office.