Just In

Calendar

April 2025
M T W T F S S
 123456
78910111213
14151617181920
21222324252627
282930  
Boga

Nanggulo habang may bakal, arestado

Edd Reyes Feb 23, 2025
77 Views

DINAKIP ng mga pulis ang lalaking may baril na taga-Manila at dumayo para lang manggulo sa bilyaran sa Caloocan City noong Biyernes.

Nagtakbuhan sa labas ng bilyaran sa M. Austria St., Brgy. 88, Bagong Barrio ang mga miron nang maglabas ng baril si alyas Joey matapos makipagtalo sa mga naglalaro ng bilyar.

Nagresponde ang mga tauhan ni Caloocan Police Chief P/Col. Edcille Canals kaya natiklo ang suspek at nakumpiska ang cal. 40 pistol nito.

Ayon kay Col. Canals, walang maipakitang papeles ang suspek para patunayang legal ang pagdadala niya ng armas kaya’t kinasuhan siya ng paglabag sa Article 155 ng Revised Penal Code (Alarm and Scandal), RA 10591 (Comprehensive Firearms and Ammunition Regulation Act), at Batas Pambansa 881 (Omnibus Election Code) sa Caloocan City Prosecutor’s Office.