BINIGYANG DIIN ni House Deputy Speaker at Alyansa para sa Bagong Pilipinas (APBP) senatorial candidate Camille A. Villar ang napakahalagang papel na ginagampanan ng mga tinawag nitong master-planners na tumutukoy sa hanay ng mga architects.

Dumalo si Villar sa monthly gathering ng mga architects na kasapi ng United Architects of the Philippines (UAP) at United Suppliers of the Philippines sa San Juan City kung saan ipinahayag nito ang napakalaking kontribusyon na inia-ambag ng mga arkitekto at construction suppliers sa ekonomiya ng Pilipinas.\

“We really see the need to strengthen this industry. In particular, to empower the professionals in this industry because your positive contribution ventures beyond the beautiful and lasting buildings that you create. The ones that you helped built,” sabi ni Villar.

Bukod dito, ipinunto din ng House Deputy Speaker ang malaking tulong na naibibigay naman ng mga architects at construction suppliers para sa ating mga kababayan na walang trabaho sapagkat sa bawat konstruksiyon ay maraming Pilipino ang nabibigyan ng hanap-buhay.

“It also goes to making the lives of our kababayans better because the work that you do really provides more jobs for Filipinos and gas an invaluable contribution to the economy more than often people give you credit for,” dagdag pa ni Villar.

Sabi pa ng APBP Senatorial candidate na kabilang sa kaniyang campaign platform ay ang job creation, promosyon ng entrepreneurship at pagpapabuti ng health services at edukasyon para sa libo-libong mamamayan na hindi makapag-aral.