Calendar
Produkto, pagkain ng PH patok sa FOODEX Japan 2025
PASOK sa center stage ng FOODEX Japan 2025 ang mga produkto at pagkain ng Pilipinas
Ayon sa Center for International Trade Expositions and Missions (CITEM), plantsado na ang first-quarter overseas food projects ng FOODPhilippines sa FOODEX JAPAN 2025 na ginaganap sa Marso 11 hanggang 14 sa Tokyo Big Sight sa Ariake district sa Koto City, Tokyo, Japan.
Target ng Pilipinas na makuha ang global consumers.
“CITEM expects its showcase at the 50th anniversary of FOODEX to bring to the fore authentic Filipino food and ingredients, innovative products meant to appeal to a broader spectrum of global consumer,” bahagi ng kanilang statement.
Layunin din nito na palakasin pa ang bilateral ties ng Pilipinas at Japan.
Taong 2006, nang lagdaan ang Philippines-Japan Economic Partnership Agreement (PJEPA).
Kabilang sa FOODPhilippines exhibitors ang 15 food manufacturers and distributors na nakipagsabayan sa mahigit 8,000 global participants.
Kasama sa mga lumahok ang Cabadbaran Aquatech Resources; EJ Contreras Food House; Hueza Bakery; IMAI Limited; JBM Food Products; KMK Food Products; Lionheart Farms (Philippines) Corporation; Prime Fruits International, Inc.; Profood International Corporation; Sabroso Chocolate Manufacturing; See’s International Food Mfg. Corp.; Sonya Secret Garden.; Super Q; 3 Sher’s Food Products; at YanYan International Phils. Inc.
