HULI ang 19-anyos na suspek sa paggawa ng kalaswaan sa menor-de edad na batang babae sa Zambales sa pinagtaguang lugar sa Caloocan City.

Dakong alas-2:40 ng hapon nang dakpin si alyas Nando sa Bagbaguin, Brgy. 165 dahil sa kasong acts of lasciviousness.

Sa ulat kay Northern Police District (NPD) Director P/BGen. Josefino Ligan, tinakasan ng akusado ang inihaing kaso laban sa kanya sa korte ng Iba, Zambales kaya’t sinimulan siyang tugisin ng mga pulis.

Hinuli siya sa tulong ng warrant of arrest galing kay Iba, Zambales Family Court Presiding Judge Maribel Mariano-Beltran.